Вјоса Османи- нова претседателка на Косово

Парламентот ja избра 38-годишната правничка во вториот обид. Нејзиниот претходник, Хачим Тачи, поднесе оставка поради обвинението покренато од Специјалниот трибунал за Косово во Хаг.

Вјоса Османи освои 71 глас во парламентот, кој има 120 места. По нејзиниот избор, политичарката, која меѓу другото е образувана во САД, повика на дијалог со Србија за нормализирање на односите меѓу двете страни. Но, таа веднаш постави и услов: владата во Белград прво мора да се извини и да ги покрене обвиненија против одговорните за војната во 1998/99 година.

Османи веќе беше привремено на функцијата од ноември минатата година по оставката на Тачи. Нејзиниот мандат истече со преземањето на валста од страна на новата влада напремиерот Албин Курти и неговото анти-естаблишментско движење „Самоопределување“ . Тоа извојува убедлива победа на парламентарните избори на Косово во средината на февруари.

Опозициските партии и претставници на граѓанското општество го критикуваа изборот на Османи и рекоа дека во кревка демократија како онаа на Косово, не е добро ако претседателот, премиерот и  претседателот на парламентот доаѓаат од иста партија. Османи не е членка на „Самоопределување“, но беше на нивната листа на изборите во февруари.

КОЈА е НОВАТА ПРЕТСЕДАТЕЛКА

Основно и средно училиште завршила во родниот град. Османи е омажена и е мајка на ќерки близначки. Покрај албански јазик, таа зборува и англиски, турски, шпански и српски јазик. Османи е професор на Универзитетот во Приштина и РИТ Косово, а предавала и како визитинг професор на Универзитетот во Питсбург.

Османи дипломирала на Универзитетот во Приштина во Косово. Во 2005 година го завршува својот магистериум на Универзитетот во Питсбург. За време на тој степен, таа двапати беше наградувана со наградата „Екселенс за иднината“ од универзитетот. Од 2009-2014 година ги завршила своите докторски студии на истиот универзитет, повторно на Правниот факултет во Питсбург.

Како универзитетски професор, таа предава курсеви од областа на меѓународното право на Косово, додека во Америка го предава предметот „Градење на државата и право: Косовското искуство“.

Османи во моментов е претседател на Комисијата за надворешни работи, дијаспора и стратешки инвестиции. Таа претходно беше претседател на Комитетот за евроинтеграции и потпретседател на Комитетот за уставни реформи на Косово.

Политичката кариера на Османи започнува во нејзините тинејџерски години, како активист на ЛДК. На 27 август 2009 година, таа е избрана за началник на Генералштабот на тогашниот претседател на Република Косово, Фатмир Сејдиу. Османи беше член на косовското собрание од ЛДК веќе три мандати, а во последните два мандати беше најгласана жена на Косово.

Таа е позната по својот придонес во независноста на Косово. Таа служеше како претставник на Косово во случај во Меѓународниот суд на правдата, каде ја бранеше законитоста на независноста на Косово.

Total
0
Shares

USJE
Поврзани објави