Девојчето Дуња М., кое вчера исчезна во градот Убу, во Србија, беше пронајдено живо и комуникативно. Според информациите на Н1, девојчето било пронајдено од куче-тргач, од расата малиноа.
„Дуња имаше многу смрзнатини. Беше во тешка состојба, но за среќа стигнавме на време и се надеваме дека ќе биде добро. Беше сама, на нива покрај мал поток, лежеше во природа“, изјави Шевковиќ еден од спасувачите.
Шевковиќ истакна колку е мала веројатноста дека детето ќе стигне толку далеку, но не ја исклучи можноста.
„Ова е навистина далеку и многу е мала веројатноста дека детето би дошло вака далеку, но не е исклучено дека би можело да дојде толку далеку.
Беше зашеметена“
На прашањето како реагирала Дуња кога ги видела, Шевковиќ одговорил:
„Беше навистина зашеметена, не знаеше што се случува. Плачеше“.
Зборувајќи за слични искуства, Шевковиќ истакна дека Планинската спасувачка служба веќе извршила слични потраги, вклучително и потрагата по Данка Илиќ во Бор.
„Имавме многу слични искуства, ја баравме и Данка во Бор. Постојано се подготвуваме. Вложуваме многу во тој тренинг за подготовките и еве, конечно, добиваме добри резултати“, заклучи Шевковиќ.
Малата Дуња била пронајдена во свесна и комуникативна состојба и веднаш била пренесена на преглед во болница.
Дачиќ даде изјава
Дачиќ потврди дека малата Дуња, која вчера исчезна во Уб, е пронајдена свесна и комуникативна и дека е пренесена на преглед во болница. Била пронајдена на околу два до три километри од дома.
Како што дознава „Блиц“, во моментот на исчезнувањето на девојчето, Дуња Марковиќ била со нејзините браќа и сестра и, според првичните полициски информации, без никој да забележи излегла од куќата.
Малиноа е раса на белгиски овчар, која е една од најчесто користените раси на кучиња во полицијата и во воените сили низ целиот свет, често дури и повеќе од германскиот овчар.
Белгискиот малиноа (Malinois) е раса која припаѓа на групата белгиски овчари, заедно со уште три варијанти: терверен, лакенуа и гренендал. Иако често изгледа како германски овчар, малиноата е посебна раса со специфични карактеристики кои ја прават една од најпосакуваните раси на кучиња во светот.
