Едногодишно дете починало од ковид 19 на Клиниката за детски болести. Детето починало на 29 ноември, но дури денес е пронајдено меѓу починатите и неговата смрт е регистрирана во денешната статистика.
Според податоците од Клиниката за детски болести, станува збор за дете кое престојувало во дом за деца без родители во Битола . Тоа било повеќепати хоспитализирано на Детска клиника од компликациии во склоп на основните заболувања меѓу кои епилепсија и хидроцефалус.
Од Инстутутот за јавно здравје информираат дека до денот на последната хоспитализација , детето било хоспитализирано во Клиничка болница Битола каде поради долнореспираторна инфекција е лекувано од 15 до 24 ноември кога поради влошување на состојба и позитивен тест на Ковид 19 било пратено во детската болница во Козле .
– По аплицирана терапија и неможност да се одговори на тежината на клиничката слика на детето кое е со континуирано ниска кислородна сатурација од 64% , а во претходен договор , од болницата во Козле е префрлено на Клиника за детски болести каде и покрај интензивниот мониторинг и лекување, механичка вентилација и сите превземени дејствија за лекување и реанимација, завршува летално. – соопштија од Институт за јавно здравје.
