Украинската воена разузнавачка служба соопшти дека во специјална операција го потопила рускиот патролен брод „Сергеј Котов“ во Црното Море, користејќи поморски дронови „магура В5“ во напад што се случи пред зори.
Украинските поморски беспилотни летала на Главната управа за разузнавање (ХУР)на Министерството за одбрана потонаа еден од патролните бродови на руската Црноморска флота во нов удар врз поморската моќ на Кремљ во регионот, како што откри извор на „Киев пост“.
Експлозивот, кој бил далечински управуван од операторите на ХУР, удрил во бродот додека патролирал во Керченскиот теснец.
Според изворот, за време на операцијата биле распоредени дронови на украинската морнарица, поточно Magura V5. Изворот одбил да го открие точниот број на дронови користени во операцијата, пишува „Киев пост“. Извештаите на „Телеграм“ на каналот „Кримски ветер“ покажуваат дека во близина на окупираниот брег на Крим се слушнале експлозии, со видлив чад во морето.
