Ортопедот хирург д-р Тодор Ношпал почина денеска во Скопје на 60-годишна возраст.
Ношпал долги години работеше во Клиниката за ортопедија каде извршуваше повеќе раководни функции.
Поради наводно кршење на работна дисциплина, кога во 2012-та откри проблем на пациентка која поради бирократски процедури не добиваше ортопедско помагало, д-р Ношпал беше отпуштен од државната клиника.
На суд победи, но продолжи надвор пд јавното здравство во приватните болници, а пред две години самостојно започна со приватна пракса.
Во кариерата има извршено над 7 илјади ортопедски оперативни зафати, од кои најголем дел на колк или на колено.
Семејството, пријателите, колегите и неговите пациенти се простуваат од д-р Ношпал на социјалните мрежи.
На ланските избори како кандидат на Интегра се бореше за градоначалничката функција на Скопје.
