Под мотото „Стоп за уништување на студентскиот стандард“, младинското движење на студентите „Студентски отпор“ денеска во 16 часот ќе протестира пред Собранието на Македонија.
Претставници на студентското движење потоа треба да се сретнат со министерот за образование Јетон Шаќири и со пратениците предлагачи на измените на Законот за студентски стандард.
Студенстки отпор“ бара повлекување на предложените измени на Законот за студентски стандард, изедначување на стипендиите со повисокиот износ, за студентите да не важат антикризните мерки на Владата за рационализација и штедење на струја, а бараат и подобрување на условите и итна санација каде што е неопходна во студентските домови.
