Комисијата за заразни болести и скопските градоначалници денеска на состанок ќе бараат решение за зголеменото ширење на бројот на заразени од коронавирусот во главниот град.
Во опција се неколку решенија за да се стави под контрола состојбата во Скопје, а се очекува Комисијата да побара од локалните самоуправи поголема контрола на спроведувањето на мерките за заштитна опрема и растојание во градските автобуси, пазарите, парковите.
Здравствените власти најавија дека јавно ќе ги објавуваат имињата на лицата кои нема да примат решенија, но засега нема точна информација кога истите ќе се најдат на сајтот на министерството.
Во меѓувреме во Македонија регистрирани се 40 поголеми кластери, половината се во Скопје.
