Димче пуф пуф транс

Пишува: Кристина Мачкиќ

Поскапува водата. Кому му е гајле? Ќе се менува Законот за пушење….ееее ова е за дебата. Гледам сите се насекирале, коментираат, кажуваат кој колку цигари пуши, кој како му смета или не. Телевизиите прилози весниците анализи скоро секој ден. До цигарчето дојдовме? Се е друго ТОП е уште тоа остана. Па чекајте малку, зар ние дебатираме за це витамин или за тутун мешан со ароми и се знае што следува, кој фати фати кој куртуи куртули. Да е пура или права цигара е тогаш можеби е маааалку поинаку.
Но да се вратиме на нашиве цигарчиња.
Прва работа на пратениците , кога ќе завршат изборите, ќе им биде Законот за заштита од пушење. Не е лошо законите да се менуваат, дотеруваат, прилагодуваат според стандардите ама кои? На кафанџиите или на Светската здраствена организација.
Баш на оваа тема се изначитав и на ФБ зборував со пријатели и всушност ние констатиравме дека актуелниот Закон и не е така лош. Што недостасува? Секако хроничниот наш проблем контрола, но и поголема ангажираност од сопствениците на локалите. Мојата генерација од диско не излегуваше, ама до толку на цигари никогаш скоро не корневме, оти? Оти дискотеките и кафичите под земја, во подруми имаа одлична вентилација, одлични тајфуни. Сега кафеаните и софрите се во мода, но што па има храната и цигарата заедничко за да се двои, па да не се пуши каде што се јади. Баш напротив алкохолот и цигарата секогаш биле добро друштво.
Само со добра вентилација нема да мириса ама баш на ништо ниту пак чадот ќе се гледа и чувствува. Еве мене на пример ужасно ми смета кога ќе излезам од кафеана и со мене по јакните, блузите и тазе фенираната коса ќе си го земам и мирисот на прегорено масло и чадот од кафеаната и мирисите од целото мени. Та за цигарата било проблем ако некој пуши дур другиот џвака.
Но некако луѓево изгледа се уште се во транс од изборите па и законот за цигарче го направија топ дебата.
Ами водата, ај што поскапува но што со онаа вода од која пола Гостивар има пролив и се бара кревет плус на Инфективно одделение? Дали ова е приоритетно и алармантно за решавање и подигање на јавноста , оти на сите може да ни се случи и ни се случува под превезот на стомачен вирус од масовни размери.
Ами струјата , ами каматите в банка , ами децата в школо. Не сакам да кажам ами болниците на кое дерече се ???
Ова лудило некако личи на димче транс , тргање димче со цигарата в уста и ај дебата и сите се знаеме, а со битното и суштинското не се занимаваме. И она пред врата стоење и пушење дали од фирма излезени на пауза или од кафана сеедно личи на се само не на ред и закон и некое човечко достоинство. Колку што разбрав тоа во Законот си останува или грешам?
На крај ќе завршам со една порака која ја испрати моја почиутувана колешка: “За жал, многумина од нас – се никотински зависници. Ако сметате дека не треба да комуницираме едни со други, напикајте не’ во гетоа, па да се поздравиме”.

Total
0
Shares
Поврзани објави
Повеќе

ТАМАРА & ТАМАРА

Две Тамари направија тектонски пореметувања во ова парче земја кое за два часа со кола се поминува уздуш…
Повеќе

Жуто комбе

Се мислам деновиве со што попрво да се занимавам. Дали со случајот Антонио кој дигна голема врева ,…