Во ковид-центрите во болниците низ земјава се лекуваат вкупно 826 пациенти позитивни и суспектни на коронавирусот, информираат од Министерството за здравство.
Министерството открива дека во Битола се хоспитализирани 74 пациенти позитивни и суспектни на Ковид-19, Штип 56, Тетово 43, Велес 70 болни, а во Куманово 106 пациенти позитивни.
Слична состојба има и во другите центри, така во Охрид има хоспитализирано 105 пациенти, во Прилеп 116, Гостивар 47, а во Струга 31 заболен.
Во болницата во Струмица хоспитализиран е 91 пацинет, во Кочани 21, во Кичево 18, во Кавадарци 39, а во Гевгелија 9 лица позитивни на коронавирусот.
Од ресорното министерство посочуваат дека бројките се менуваат од час во час, според направените приеми и исписи на пациенти.
Според нив, вкупната бројка на пациенти позитивни и суспектни на коронавирусот, кои се лекуваат на инфективните одделенија во главниот град и во болниците низ земјава е 1.285 и има околку 120 празни болнички кревети во ковид-центрите.
Министерството за здравство појаснува дека сите одделенија на клиничките болници располагаат со болнички места до кои има довод на кислород.
