Во кичевската болница, осум медицински лица се позитивни на Ковид-19, јавува репортерот на ТВ21 од Кичево.
Заразени се две медицински сестри, 4 специјалисти и 2 лекари. Последните денови во Кичево има од 15 до 30 заразени дневно.
Градската болница во Кичево нема инфективно одделение, ниту инфектолог, ниту ковид центар каде се лекуваат позитивните. Во моментов здравствениот дом во Кичево се справува со заразените.
Директорот на здравствениот дом Џабир Бајрами пред неколку дена истакна дека ситуацијата е тешка.
Во Кичево бројот на заразени од почетокот на пандемијата изнесува 594, а бројот на активни случаи е 189.
извор: тв21.мк
