Финансиер од Лас Вегас одбил евтини седишта на подморницата Титан за себе и неговиот син на судбоносната експедиција, наведувајќи загриженост за безбедноста, но шефот на компанијата што го поседува бродот се обидел да го одврати, велејќи дека спуштајќи се на дното на Атлантик бил „побезбеден од преминувањето улица“.
Џеј Блум сподели пораки што ги разменил со извршниот директор на Oceangate, Стоктон Раш – сега една од петте претпоставени жртви на експлозијата на подморницата Титан чиј сигнал беше изгубен во неделата, што предизвика избезумена потрага.
На фаталното патување во подморницата биле британскиот истражувач и милијардер Хамиш Хардинг (58), извршен директор на „Oceangate“ Стоктон Раш, 73-годишниот француски истражувач Пол Анри Наргелет и пакистанскиот бизнисмен Шахзада Давуд (48) и неговиот син Сулејман.
Како што може да се види од пораките, Раш на Блум му ги понудил билетите по намалена цена од 150.000 долари, што е далеку помалку од стандардната цена од 250.000 долари, пишува „Дејли мејл“. Блум, поддржувач на демократите, кој има фотографија со претседателот Џо Бајден, рече дека е тажен поради смртта на патниците на подморницата Титан.
„Ја изразив мојата загриженост за безбедноста и Стоктон ми рече: „Иако постои очигледен ризик, тоа е далеку побезбедно од летање со хеликоптер или дури и нуркање“. Тој беше апсолутно убеден дека е побезбедно од преминувањето на улицата. Сигурен сум дека навистина веруваше во тоа што го зборуваше. Но, многу згреши“, напиша Блум на Фејсбук.
Во февруари Раш ги прашал Блум и неговиот син Шон да нуркаат до потонатиот брод Титаник во мај. И двете експедиции во мај беа одложени поради временските услови, кои се одолговлекуваа до 18 јуни, датумот на кобното патување.
– Му кажав дека поради распоредот не можеме да одиме пред следната година. Нашите места ги добија Шахзада Давуд и неговиот 19-годишен син Сулејман. Почивај во мир Стоктон и екипажот. Што се однесува до Шон и јас, ќе одвоиме малку време да застанеме и да ги помирисаме розите. Утре не е ветување. Направете сè што можете денес – рекол Блум.
