B&B не излегува од мода

Пишува: Кристина Мачкиќ

Насловот можеби не потсеќа на некој познат бренд облека , чевли , чанти . Да! Познат бренд е, ама во нашиот Кривичен суд . Весна & Вилма. Ете тоа е брендот. За квалитетот на брендовите секој сам си цени, нешто е помодарство, нешто е тренди нешто е ин нешто е АЛИ ЕКСПЕС комбинација. Е ова нашево ќе да е АЛИ ЕКСПЕС ама тежок фалс. Кога ќе го отвориш мора да се луфтира мириса, нели на она познато кинеско.
Да се вратиме кај нас односно да прошетаме низ историјата и да видиме колку нашето В&В трае и опстојува. Почнаа пред повеќе од дестина години, постојат значи една цела декада. Беа млади убави згодни плавуши, а сега се само дотерани плавуши, но тоа си е со годините. Прв пат кога ги запознав бев детиште во медиумите , сега сум старчиште. Ништо не се сменило , јас си терам вистина, а они си кројат вистина во нивниот шнајдерски дуќан.
Не се тие виновни, народот што им верува, политиката што им се доверува. Немојте да се убедуваме во словото на законот и правдата. По десет години лапање јагнешко во Лазарополе да се симнеш во тв студио, нормално ли е дека се каже дека ако се рекло мечка и мечка ќе се обвини. Или неколкуте јаки судски постапки за кои нели ќе се правеше ревизија,но ништо од тоа . Убаво се сеќавам на првите масовни судења кога на пример за Змиско око одевме дури во зградата на Царина , следеа апсења на комисии за инвалидски пензии, познатото Бачило , познати директори …па од скоро Детонатор или уште некое познато име. Ревизијата ќе беше интересна , оти повеќето од сработеното е на брендов. Продолжувањето притвор на новинар е посебна приказна …. итн итн…
Но не е нормално ова сега.
А , да се разбереме не ја спорам судската постапка , сошиена перфектно , допрва ќе видиме кој се требало да биде или не во групата. За некои да ние знаеме , но има и такви за кои знаеме ама не се таму , или не знаеме, а биле. Тоа ќе го следиме низ судската процедура …одма да погодиме и кај кој АКМИСОТ ќе го фрли предметот. Но промените се потребни освежувањето е нужно. Имаме ние топ судии и обвинители и искрено се надевам дека во судница ке ја видиме правдата и вистината.
Да не биде повторно по една декада де- жа-ву.
Ми се смачи од тоа да не се коментираат пресуди или судски предмети. Извинете господа судии ама самите се продадовте и искаљавте, па и име си кладовте. Затоа ќе си зборувам нели јавнот збор не е забранет. Се што овде е напишано се факти не се ниту осуди ниту хвалоспеви само голи факти. Но народот е научен крв да гледа, а зад фластерот не е важно кој е.
Па така и брендот си опстојува и никој не го оспорува.

Total
0
Shares
Поврзани објави
Повеќе

Доминџоси

Субвенции за сончогледи. Го читам ова по статуси на ФБ. Исто нешто пишуваат луѓе кои не се познаваат…
Повеќе

Жуто комбе

Се мислам деновиве со што попрво да се занимавам. Дали со случајот Антонио кој дигна голема врева ,…
Повеќе

Шут гооол

До менаџерот било не до квалитетот. Така денеска се избра претседател на судот. Честитки до фубалерот па како…