Стравувањата се остварија на најлош можен начин. Десетици тони плашица заробени во каналот Студенчишта, каде оваа риба влегува да презими, беспомошно умира поради недостаток на воздух. Рибата е збиена од половина канал кон Билјанини извори кои немаат вода, а поради недостиг на кислород рибата плута на површината од водата каде умира или е нападната од птици.
-Вакво нешто не паметам во мојот живот. Плашицата нема воздух и умира, доколку нешто не се преземе итно, ќе изумре сета. – ни изјави жител на Охрид.
-Итно мора да се преземе нешто. Гледаме по светот како луѓето се организираат да спасат китови делфини, се ангажираат, а тука никој не презема ништо. Каде се сега екологистите и спортските риболовци, што прават надлежните? Доколку нешто не се преземе ќе ја снема плашицата исто како што ја снема пастрмката. – рече револтиран охриѓанец.
-Имам 59 години и во мојот живот немам видено ваква работа. Подобро ќе биде некој да дојде и да ја излови оваа риба, бидејќи до утре ќе изумре, нема воздух и се мачи. – додава друг граѓанин.
Кај каналот Студенчишта можат да се забележат и граѓани како со кепчиња буквално црпат риба од каналот каде полека умираат тони плашица.
изворL ohridnews.mk