Претседателката на Собранието на невладината организација на Боки 13, Меѓународен сојуз Скопје, Агапи Дика два часа даваше исказ кај обвинителката за случајот „Рекет“, Вилма Русковска. Потоа замина од задниот влез на зградата каде што е сместено обвинителството. За да се излезе од позади треба да се помине половина Апелационен суд нешто што за слободно шетање освен за странки до скоро беше строго контролирано. Овој влез го користат претежно судии и вработените во Апелација.
Таа, неофицијално, е повикана во Обвинителството бидејќи како претседател на Собранието на Меѓународниот сојуз Скопје била потписник на повеќе договори.
Во обвинителството е и бизнисменот Азманов кој отворено зборуваше дека е жртва на рекет и уцени. Тој неколку часа е кај обвинителката Русковска.
