Капитенот на македонската фудбалска репрезентација Горан Пандев, кој го постигна првиот гол за Македонија на европските првенства, по мечот со Австрија изјави дека следниот натпревар против Украина треба да одиме на победа, бидејќи веќе нема што да загубиме.
„Сигурно дека шансите не се загубени. Треба сега добро да се одмориме, да се подготвиме за Украина. Нè чека уште еден тежок натпревар. Треба да го одиграме овој натпревар отворено, да одиме на победа, бидејќи немаме веќе што да загубиме“, изјави Пандев по денешниот меч во Букурешт, кој заврши со победа на Австрија од 3:1.
Пандев за мечтот со Австрија рече дека е големо искуство за нашата репрезентација.
